GABAY KU SAABSAN ABAARAHA

Cali Xuseen Xirsi Lixdameeyadii iyada oo ay abaar

ba’ani ayaa dadkii ka codsadeen in uu

duceeyo, iyaguna ay aamiin ka

dabadhahaan. Halkii ay ka sugayeen

in uu Alle baryo ayaa uu iyagii u soo

jeediyey dhaliil kulul.

1- Niman yohow abaaraha dhacay iyo beliyo aafaadka

2- Dabka ololi uumiga ka karay aradka guudkiisa

3- Raxmadii ilaahay waxay noogu iman weyday

4- Ee ariyo geelii marshaye ibirka noosaaray

5- Arradka iyo gaajada waxay nagu Loomeeyay

6- Geeduhu waxay u angageen ubaxana loo waayay

7- Ee ay ugaadhu u bakhtidad aydu miranaysay

8- Eelkaa wixii dhigay hadaan idin ogaysiiyo

9- Ilaahay maloo noqonayaa axadki weeyaane

10- Hadii ay islaanimo jirtoo la ijtihaadaayo

11- Asha haadda iyo tawbadii lama ilaaweeyne

12- Ilaahay maloo noqonayaa axadki weeyaane

13- Goortay ilma adeeradii uurka ka colow day

14- igaar waliba kii xigay markuu dhacay aduunkiisa

15- goortii amaanada lacunay eleh ku kuu dhiibtay

16- inkiraadi goortay timee aamin laswaayay

17- Afka buuxi mooyee markay aayar socon weyday

18- inaysamadu naga oodantaa waa abaal marine

19- ilaahay maloo noqonayaa axadki weeyaane

20- Al lalaasku goortuu ka karay or iyo duulaanku

21- Nimaan ayna kaa dhicin markii udubka loosaaray

22- Oo faha markay kala heleen kaalka la afeeyay

23- Goortay asayda u xireen ooriduu mehershay

24- aamadu markay ooyayeen loo arxami waayay

25- markii abayaal lagu dilee gaban agoomoobay

26- inay samadu naga oodan taa waa abaal marine

27- ilaahay maloo noqonayaa axadki weeyaane

28- axdi nimaad lahay deen markuu oofin kari waayay

29- aayadaha diinta ah markii iida (E) lagadoortay

30- isim kii ilaahay markii la istixayn waayay

31- inay samadu naga oodantaa waa abaal marine

32- ilaahay maloo noqo nayaa axadki weeyaane.

33-Akalkaad cuneyseen markii loo

abtirin waayey

34-Inay samadu naga oodantaa waa

abaalmarin e

35-Ilaahay maloo noqonayaa Axadkii weeyaan e

36-Aakhiro illowdiyo jannada

aqalladeediiye

37-Addimaadda goortuu wadaad idin ogeysiiyo

38-Aadaanka oo yeeray baad orod ku dhaaftaan e

39-Eygii hadduu idin duwadey Aadan ba habowshey

40-Oo uu Iblays idin ku mudey shalay iraabkiisa

41-Inay samadu naga oodantaa waa

abaalmarin e

42-Ilaahay maloo noqonayaa Axadkii weeyaan e

xigasho: qoraa axmed farax "idaajaa"

W/Q : Cilmi siciid     
FG: marlabaad waad daabici kartaa hadii aadan qoraalka waxba kabadalin